பேராவூரணி தொகுதியில் சிபிஎம் தெருமுனைப் பிரச்சாரம்

இந்தியா கூட்டணி சார்பில், தஞ்சை நாடாளுமன்றத் தொகுதியில் போட்டியிடும் திமுக வேட்பாளர் ச.முரசொலிக்கு வாக்குக் கேட்டு, மார்க்சிஸ்ட் கம்யூனிஸ்ட் கட்சி சார்பில், பேராவூரணி சட்டமன்றத் தொகுதிக்குட்பட்ட வாட்டாத்திக்கோட்டை கொல்லைக்காடு, திருச்சிற்றம்பலம், செருவாவிடுதி, துறவிக்காடு, ஒட்டங்காடு, கொன்றைக்காடு, சித்தாதிக்காடு, சொர்ணக்காடு, பேராவூரணி நகர் உள்ளிட்ட பகுதிகளில் தெருமுனைப் பிரச்சாரம் நடைபெற்றது.  சிபிஎம் மூத்த தலைவர் ஆர்.சி.பழனிவேலு, மாவட்டச் செயற்குழு உறுப்பினர் கோ.நீலமேகம், வழக்குரைஞர் வீ.கருப்பையா ஆகியோர் கலந்து கொண்டு பேசினர்.  இதில், சிபிஎம் பேராவூரணி ஒன்றியச் செயலாளர் கொன்றை வே.ரெங்கசாமி, ஒன்றியக் குழு உறுப்பினர்கள் ஏ.வி.குமாரசாமி, கோவிந்தராஜ் மற்றும் கட்சி நிர்வாகிகள், கிளைச் செயலாளர்கள் கலந்து கொண்டனர்.