மானை வேட்டையாடியவர் கைது

தர்மபுரி மாவட்டம், பாப்பிரெட்டிப்பட்டி சட்டமன்ற தொகுதி மற்றும் பாப்பிரெட்டிப்பட்டி பிரிவு கூட்டாறு காப்பு காட்டிற்கு உட்பட்ட அண் ணாநகர் முதல் தாழ்கோவிலூர் செல்லும் வழியில், வனச்சரகர் பழனிவேல், வனவர் ராகுல், மற்றும் சௌமியா, ராஜா, முருகன் அடங்கிய குழுவினர் வேட்டை தடுப்பு ரோந்து பணியில் ஈடுபட்டனர். அப்போது பாப்பிரெட்டிப்பட்டியைச் சேர்ந்த கந்தன் காப்பு வனப்பகுதியில் மானை வேட்டையாடி, அதனை கூறு போட்டு கறியை வைத்திருந்தார். இதனை கண்ட வனக்குழுவினர், அவரை கைது செய்து, 2 இருசக்கர வாகனங்களை பறிமுதல் செய்தனர். பின்னர், அவர் சேலம் மத்திய சிறையில் அடைக்கப்பட்டார். தப்பியோடிய பாப்பிரெட்டிப்பட்டியை சேர்ந்த அறிவழகன், அமானுல்லா ஆகியோரை வனத்துறையினர் தீவிரமாக தேடி வருகின்றனர்.