மகா சிவராத்திரியை முன்னிட்டு சதுரகிரி கோவிலில் குவிந்த பக்தர்கள்

மேற்கு தொடர்ச்சி மலைப் பகுதியில் அமைந்துள்ளது பிரசித்த பெற்ற சதுரகிரி சுந்தரமகாலிங்கம் கோவில் இந்த கோயிலானது கடல் மட்டத்திலிருந்து சுமார் 4500 அடி உயரத்தில் அமைந்துள்ளது.இந்தக் கோயிலில் தற்போதும் சித்தர்கள் வாழ்ந்து வழிபட்டு வருவதாக கூறப்படுவதால் இது சித்தர்களின் சொர்க்க பூமி என அழைக்கப்படுகிறது. இந்த கோயிலுக்கு சென்றால் நினைத்த காரியங்கள் நடக்கும் என்பதால் பல்வேறு பகுதிகளி ம் ஏராளமான பக்தர்கள் வருகை தந்த வண்ணம் உள்ளனர். கடந்த காலங்களில் சதுரகிரி கோவிலுக்கு தினந்தோறும் பக்தர்கள் அனுமதிக்கப்பட்ட நிலையில் கடந்த 2015 ஆம் ஆண்டு ஏற்பட்ட வெள்ளப்பெருக்கில் 10 பக்தர்கள் வரை உயிரிழந்த நிலையில் பல்வேறு கட்டுப்பாடுகளுடன் பக்தர்கள் கோயிலுக்கு செல்ல அனுமதி என்பது வழங்கப்பட்டு வருகிறது.

குறிப்பாக மாதந்தோறும் பிரதோஷம், அமாவாசை, பௌர்ணமி உள்ளிட்ட விசேஷ நாட்களில் 8 நாட்கள் மட்டுமே பக்தர்கள் கோயிலுக்கு செல்ல அனுமதி என்பதை வழங்கப்பட்டு வருகிறது. இந்த நிலையில் மாசி மாத பிரதோஷம்,சிவராத்திரி மற்றும் அமாவாசையை முன்னிட்டு இன்று முதல் மார்ச் 11ந் தேதி வரை 4 நாட்கள் பக்தர்கள் மலையேறி சென்று சாமி தரிசனம் செய்ய வனத்துறை மற்றும் கோவில் நிர்வாகத்தின் சார்பில் அனுமதி அளித்துள்ளனர். இன்று பிரதோஷம் மற்றும் சிவராத்திரியை முன்னிட்டு விருதுநகர், மதுரை ,திருச்சி, நெல்லை, சென்னை உள்ளிட்ட பல்வேறு மாவட்டங்களில் இருந்து ஆயிரக்கணக்கான பக்தர்கள் சதுரகிரி கோவில் அடிவாரப் பகுதியில் அதிகாலை முதலே குவிந்தனர்.

பின்னர் பக்தர்கள் காலை 6 மணி முதல் அனுமதிக்கப்பட்டு மலையேறி சாமி தரிசனம் செய்தனர் . மேலும் பிரதோஷத்தை முன்னிட்டு 4 மணி அளவில் சுந்தரமகாலிங்கத்திற்கு பூஜைகள் நடத்தப்பட்டு 18 வகையான அபிஷேகம் செய்யப்படுகிறது. மேலும் தொடர்ச்சியாக சிவராத்திரியை முன்னிட்டு இரவு முழுவதும் பூஜைகள் நடைபெறும். சதுரகிரி சுந்தரமகாலிங்கம் கோவில் மேற்கு தொடர்ச்சி மலை பகுதியில் அமைந்துள்ளதால் பக்தர்கள் இரவில் தங்குவதற்கு அனுமதி கிடையாது.வெயிலின் தாக்கம் அதிகமா இருப்பதால் எளிதில் தீப்பற்றக் கூடிய பொருட்களை பக்தர்கள் கொண்டு தடை விதிக்கப்பட்டுள்ளது என வனத்துறையினர் தெரிவித்துள்ளனர்.பக்தர்களுக்கு தேவையான அடிப்படை வசதிகளை கோவில் நிர்வாகத்தினர் செய்துள்ளனர்.