மது ஆலைகளின் முதலாளி போட்டியிடுகிறார் - பாமக வேட்பாளர் விமர்சனம்

அரக்கோணம் நாடாளுமன்ற தொகுதிக்கு உட்பட்ட உப்புபேட்டை, கூராம்பாடி, சின்ன தக்கை, அருங்குன்றம், ஆயிலம், ராமாபுரம், கவரப்பாளையம் கத்தியவாடி ஆகிய பகுதிகளில் பாமக வேட்பாளர் பாலு தீவிரவாக்கு சேகரிப்பில் ஈடுபட்டார். அப்போது வேட்பாளர் பாலுவுக்கு மகளிர் அணி பாமக நிர்வாகிகள் பொன்னாடை அணிவித்து வரவேற்றனர். பொதுமக்கள் மத்தியில் பாலு பேசுகையில்,"மது ஆலைகளின் முதலாளி ஜெகத்ரட்சகன். அவர் என்னை எதிர்த்து போட்டியிடுகிறார். ஐந்து ஆண்டுகளாக மக்களுக்கு எதுவும் செய்யவில்லை. ஆகவே மாம்பழம் சின்னத்தில் வாக்களித்து வெற்றி பெற செய்ய வேண்டும்," என வாக்குகளை சேகரித்தார்.