திமுகவிற்க்கு நகரமன்ற உறுப்பினர் வித்தியாசமான முறையில் வாக்கு சேகரிப்பு

கள்ளக்குறிச்சி மக்களவைத் தொகுதியில் திமுக சார்பில் மலையரசன் போட்டியிடுகிறார். கள்ளக்குறிச்சி தொகுதிக்குட்பட்ட பகுதிகளில் அவர் மட்டுமல்லாமல் திமுக மற்றும் அதன் கூட்டணி கட்சி நிர்வாகிகள் தீவிர பரப்புரையில் ஈடுபட்டு வருகின்றனர். கள்ளக்குறிச்சி மக்களை தொகுதிக்குட்பட்ட சேலம் மாவட்டம், ஆத்தூர் நகராட்சிக்குட்பட்ட உடையார்பாளையம் உள்ளிட்ட பகுதிகளில் 10-வது வார்டு திமுக பெண் கவுன்சிலர் ஜீவா ஸ்டாலின் தலைமையில் திமுகவினர் வீடு வீடாக சென்று வாக்கு சேகரிப்பில் ஈடுபட்டனர். அப்போது பெண்களுக்கு துணி துவைத்து கொடுத்தும், சிறுவர்களுடன் பம்பரம் விளையாட்டும் வித்தியாசமான முறையில் வாக்கு சேகரிப்பில் ஈடுபட்டனர். மகளிர் உரிமைத்தொகை, கட்டணமில்லா பேருந்து வசதி உள்ளிட்டவைகளை எடுத்துக்கூறி வாக்கு சேகரிப்பில் ஈடுபட்டனர்