கரூரில் அதிமுக சார்பில் தேர்தல் ஆலோசனை கூட்டம்

கரூர் மாநகராட்சிக்கு உட்பட்ட பிரேமஹாலில், கரூர், அரவக்குறிச்சி, கிருஷ்ணராயபுரம் சட்டமன்ற தொகுதிக்குட்பட்ட, அதிமுக தலைமையிலான கூட்டணி கட்சிகள் சார்பாக நாடாளுமன்ற தேர்தல் ஆலோசனை கூட்டம் முன்னாள் அமைச்சரும்,

கரூர் அதிமுக மாவட்ட செயலாளருமான எம்.ஆர். விஜயபாஸ்கர் தலைமையில் நடைபெற்றது. இந்த கூட்டத்தில் அதிமுக கரூர் பாராளுமன்ற வேட்பாளர் தங்கவேல், அதிமுக கட்சியைச் சேர்ந்த மாவட்ட அளவிலான முக்கிய நிர்வாகிகள், கூட்டணி கட்சிகளை சேர்ந்த மாவட்ட அளவிலான நிர்வாகிகள், கட்சி தொண்டர்கள் என இரண்டாயிரத்துக்கும் மேற்பாட்டோர் கலந்து கொண்டனர்.

கூட்டத்தில் பேசிய கட்சி நிர்வாகிகள், நடைபெற உள்ள நாடாளுமன்றத் தேர்தலில், திமுக தோல்வி அடையும் வகையில் கட்சி பணிகள் திட்டமிட்டு தெளிவாக செயல்படுத்த வேண்டும். எடப்பாடி பழனிச்சாமி தலைமையிலான அதிமுக மற்றும் கூட்டணி கட்சி வேட்பாளர்கள் வெற்றி பெற கடுமையாக பாடுபட வேண்டும் என தங்கள் கருத்துக்களை முன்வைத்தனர்.

இதற்கு கட்சி நிர்வாகிகள் மற்றும் தொண்டர்கள் வரவேற்பு தெரிவிக்கும் வகையில் கைகளை தட்டி ஆரவாரம் செய்தனர்.