நாடாளுமன்ற தொகுதிக்கான தேர்தல் பொது பார்வையாளர் சேலம் வருகை

சேலம் மாவட்ட தேர்தல் அலுவலரும், கலெக்டருமான பிருந்தாதேவி வெளியிட்டுள்ள செய்திக்குறிப்பில் கூறி இருப்பதாவது:- தமிழகத்தில் நாடாளுமன்ற தேர்தல் வருகிற 19-ந் தேதி நடைபெறுகிறது. இதையொட்டி சேலம் நாடாளுமன்ற தொகுதி தேர்தல் பணிகளை கண்காணிக்கும் வகையில் தேர்தல் பொது பார்வையாளராக ஜி.பி.பாட்டீல் நியமிக்கப்பட்டுள்ளார்.

இதனால் சாரதா கல்லூரி சாலையில் உள்ள கூடுதல் சுற்றுலா மாளிகையில் அறை எண் 3-ல் உள்ள முகாம் அலுவலகத்தில் காலை 10 மணி முதல் 11 மணி வரை பொது பார்வையாளர் ஜி.பி.பாட்டீலை நேரில் சந்தித்து தேர்தல் தொடர்பான புகார்களை தெரிவிக்கலாம். மேலும் அவரது 9489939101 என்ற செல்போன் எண்ணுக்கும், 15salempc@gmail.com மின்னஞ்சல்ன முகவரியிலும் புகார்களை தெரிவிக்கலாம். இவ்வாறு அவர் தெரிவித்துள்ளார்.