சிவகிரி அருகே விளைநிலங்களுக்குள் புகுந்து யானைகள் அட்டகாசம் !

தென்காசி மாவட்டம் சிவகிரி அருகே விவசாய நிலங்களுக்குள் செவ்வாய்க்கிழமை நள்ளிரவு புகுந்த யானைகள் அங்கிருந்த மா, தென்னைஉள்ளிட்ட மரங்களை சேதப்படுத்தின. சிவகிரி அருகே மேற்குத் தொடா்ச்சி மலை அடிவாரப் பகுதியில் சின்னாவுடையப்பேரியில் ஆயிரக்கணக்கான ஏக்கா் பரப்பில் நெல், மா, தென்னை, கொய்யா உள்ளிட்டவை பயிரிடப்பட்டுள்ளன. இந்நிலையில் இப்பகுதியிலுள்ள விளைநிலங்களில் புகுந்த யானைகள் அங்கிருந்த மரங்களை சேதப்படுத்தியதாம். இதனால் விவசாயிகள் வேதனையடைந்துள்ளனா். மேலும், வருவாய் மற்றும் வனத் துறையினா் பாதிக்கப்பட்ட விவசாயிகளுக்கு நிவாரணம் வழங்க வேண்டுமெனவும், யானைகளை கட்டுப்படுத்த நடவடிக்கை எடுக்கவேண்டுமென கோரிக்கை விடுத்துள்ளனா்.