அரசு பள்ளியில் முன்னாள் அமைச்சர் கக்கன் பிறந்த நாள் விழா

நாமக்கல் மாவட்டம் குமாரபாளையம் அருகே அருவங்காடு அரசு உயர்நிலைப் பள்ளியில் சுதந்திர போராட்ட தியாகி கக்கன் பிறந்த நாள் விழா விடியல் ஆரம்பம் சார்பாக அமைப்பாளர் பிரகாஷ், தலைமையாசிரியை லோகசுந்தரி தலைமையில் நடந்தது. கக்கன் திருவுருவப்படத்திற்கு மலர்மாலை அணிவிக்கப்பட்டு மலரஞ்சலி செலுத்தப்பட்டது. கக்கன் வரலாற்றை மாணவ, மாணவியர்களுக்கு தமிழ் ஆசிரியை கலைச்செல்வி எடுத்துரைத்தார். பேச்சுப்போட்டி, கட்டுரை போட்டி, வினாடி வினா, நடத்தப்பட்டு, வெற்றி பெற்ற மாணவ, மாணவியர்களுக்கு சான்றிதழ்கள் மற்றும் புத்தகங்கள் வழங்கப்பட்டன. ஆசிரியர்கள் சுரேஷ், சரவணன், சோபனா, நிர்வாகிகள் தீனா, அங்கப்பன் உள்பட பலர் பங்கேற்றனர்.