நாகை மாவட்டம் திட்டச்சேரி அருகே மின்சாரம் தாக்கி பெண் மயில் சாவு

நாகை மாவட்டம் திட்டச்சேரி அருகே மின்சாரம் தாக்கி பெண் மயில் சாவு திட்டச்சேரி மற்றும் சுற்றுவட்டார பகுதியில் உள்ள விவசாய நிலப் பகுதிகளுக்கு இறைக்காக அதிகளவில் மயில் வந்து செல்வது வழக்கம். இந்நிலையில் திட்டச்சேரி அடுத்த ஆலங்குடிச்சேரி பகுதியில் உள்ள விவசாய நில பகுதியில் இருந்து மெயின் ரோடு பகுதிக்கு நேற்று பெண் மயில் பறந்து செல்லும்போது அங்குள்ள உயர் மின்னழுத்த கம்பியில் உரசியதில் மின்சாரம் தாக்கி சம்பவ இடத்திலேயே இறந்தது. தகவல் அறிந்த திட்டச்சேரி போலீஸ் சப்- இன்ஸ்பெக்டர் அக்பர் அலி, சிறப்பு சப்-இன்ஸ்பெக்டர் சிவக்குமார் மற்றும் போலீசார் சம்பவ இடத்திற்கு சென்று மயிலை மீட்டு நாகை வனபாதுக்காப்பு துறை வன அலுவலர் சசிகுமாரிடம் ஒப்படைத்தனர்.அவர் மயிலை எடுத்துச் சென்று உடற்கூறு ஆய்விற்கு பின் அடக்கம் செய்தனர்.