வாமனபுரீஸ்வரர் கோவிலில் முதல் சோமவாரம்

கடலூர் மாவட்டம் திருமாணிக்குழியில் உள்ள அம்புஜாக்ஷி உடனுறை வாமனபுரீஸ்வரர் கோவிலில் கார்த்திகை மாதம் முதல் சோமவாரத்தை முன்னிட்டு சுவாமிக்கு பல்வேறு திரவியங்களால் சிறப்பு அபிஷேகம் மற்றும் சிறப்பு அலங்காரத்தில் ஆராதனை நடைபெற்றது.  அதேபோல் மாவட்டத்தில் பல்வேறு சிவன் ஆலயங்களில் கார்த்திகை மாதம் முதல் சோமவாரம் நடைபெற்றது. இதில் ஏராளமான பக்தர்கள் மற்றும் பொதுமக்கள் கலந்து கொண்டு சுவாமி தரிசனம் செய்தனர்.