சங்கரன்கோவிலில் வெறிநாய் கடித்து நான்கு ஆடுகள் உயிரிழப்பு

தென்காசி மாவட்டம் சங்கரன்கோவில் வாரச்சந்தை தெருவை சேர்ந்தவர் பெரிய காளிமுத்து மகன் முருகன் (42). முருகன் அதே பகுதியில் ஆட்டு கொட்டகை அமைத்து ஆடு வளர்த்து வருகிறார். இந்நிலையில் ஆட்டு கொட்டகைக்குள் புகுந்த வெறி நாய்கள் அங்கிருந்த ஆடுகளை கடித்து குதறியது.

இதில் நான்கு ஆடுகள் சம்பவ இடத்திலேயே பரிதாபமாக உயிரிழந்தது. வெறிநாய்கள் கடித்து நான்கு ஆடுகள் இறந்தது அப்பகுதியில் பெரும் சோகத்தை ஏற்படுத்தியுள்ளது.