குவிந்துள்ள குப்பைகளால் சுகாதார சீர்கேடு

மல்லசமுத்திரம்,நெசவாளர் காலனி தனியார் கல்லூரி அருகே சாலை ஓரத்தில் குப்பைகள் தேக்கமடைந்துள்ளதால், சுகாதார சீர்கேடு ஏற்பட்டுள்ளது. மல்லசமுத்திரம் அருகே உள்ள, நெசவாளர் காலனி தனியார் கல்லூரி அருகே சேலம்– திருச்செங்கோடு நெடுஞ்சாலையில் நீண்டநாட்களாக குப்பைகள் அதிகளவில் தேக்கமடைந்துள்ளது. இதனால், சுகாதார சீர்கேடு ஏற்பட்டு கடும் துர்நாற்றம் வீசிவருகின்றது. இவ்வழியாக செல்லும் மக்கள், கல்லூரி மாணவர்கள், ஆசிரியர்கள் சுவாச கோளாறுகள் ஏற்பட்டு மிகுந்த சிரமப்பட்டு வருகின்றனர். எனவே, குப்பையை அள்ள சம்மந்தபட்ட பஞ்சாயத்து நிர்வாகிகள் நடவடிக்கை எடுக்க வேண்டும் என மக்கள் கோரிக்கை விடுத்துள்ளனர்.