அரசினர் ஆண்கள் மேல்நிலைப்பள்ளி ஆண்டு விழா

திருச்செங்கோடு அரசு ஆண்கள் மேல்நிலைப் பள்ளியில் ஆண்டு விழா நடைபெற்றது. இதில் பள்ளித் தலைமை ஆசிரியர் நல்லாசிரியர் வி கே பாலசுப்பிரமணியம் தலைமை தாங்கினார். பள்ளி பெற்றோர் ஆசிரியர் கழகத் தலைவர் பி.ஆர்.டி பரந்தாமன் அவர்கள் சிறப்புரையாற்றி பரிசுகளை வழங்கினார். அரசு பெண்கள் தலைமை ஆசிரியை தமிழினி, பி டி ஏ பொருளாளர் மாதேஸ்வரன், பள்ளி மேலாண்மை குழுத்தலைவி சுந்தரி,மேலாண்மை குழு உறுப்பினர்கள் கலந்து கொண்டனர். மேலும் மாணவர்களுடைய நாடகம், வினாடி வினா, நடனம், பேச்சுப்போட்டி, கட்டுரை போட்டி, ஓவிய போட்டி உள்ளிட்ட பல போட்டிகள் நடைபெற்றது. அந்த போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டது. சிலம்பம் போட்டியில் வெற்றி பெற்றவர்களுக்கு பரிசு வழங்கப்பட்டது. மேலும் அறிவியல் கண்காட்சியில் இளம் விஞ்ஞானி விருது பெற்று, ரூபாய் பத்தாயிரம் பரிசு பெற்ற மாணவர் வேல்முருகன், வழிகாட்டி ஆசிரியர். முனைவர் திருவருள்செல்வன் ஆகியோருக்கு சான்றிதழ்கள் வழங்கப்பட்டது. பள்ளி உதவி தலைமை ஆசிரியர்கள் தமிழ்மணி, மாரிமுத்து மற்றும் ஆசிரிய, ஆசிரியைகள் கலந்து கொண்டனர். உதவித் தலைமை ஆசிரியை சத்தியவதி நன்றி கூறினார்.