காரில் கடத்தப்பட்ட 1400 மது பாட்டில்கள் பறிமுதல்

கிருஷ்ணகிரி மாவட்டம் ஒசூர் அடுத்த சூளகிரி தீர்த்தம் சாலை சிவசிகர்லப்பள்ளி அருகில் கலால் இன்ஸ்பெக்டர் ஷர்மிளா பானு தலைமையில் போலீசார் வாகன சோதனையில் ஈடுபட்டிருந்தனர். அப்போது பெங்களூரில் இருந்து கிருஷ்ணகிரி நோக்கி அதிவேகமாக வந்த காரை நிறுத்தி சோதனை செய்தனர்.அதில் தமிழகத்தில் தடை செய்யப்பட்டுள்ள கர்நாடக மதுபான பாட்டில்கள் இருந்தது கண்டுபிடிக்கப்பட்டது. விசாரணையில் திருப்பத்தூரை சேர்ந்த பாட்டாளி நகர் பகுதியில் வசித்து வரும் வீரமணி (45) என்பது தெரிய வந்தது. காரில் 1400 கர்நாடக மது பாட்டில்கள் இருந்தன இதனுடைய மதிப்பு ஒரு லட்சத்து 50 ஆயிரம் ஆகும் கார் டிரைவர் தப்பி ஓடிய நிலையில் வீரமணியை மட்டும் கைது செய்து மதுபான பாட்டில்கள் மற்றும் காரை பறிமுதல் செய்துள்ளனர், தப்பி ஓடிய கார் டிரைவரை போலீசார் தீவிரமாக தேடி வருகின்றனர்.