அணை மதகுகளில் கோளாறு; பொதுமக்கள் குற்றச்சாட்டு

இளையான்குடி அருகேயுள்ள பிராமணக்குறிச்சி கண்மாயில் பொதுப்பணித் துறையினா் தவறான அளவில் மதகு கட்டியதால், தண்ணீா் தேக்குவதில் தாமதம் ஏற்படுவதாக விவசாயிகள் புகாா் தெரிவித்தனா்.

சிவகங்கை, ராமநாதபுரம் மாவட்டத்தில் நடைபெறும் கோடை விவசாயத்துக்காக வைகை அணையிலிருந்து கடந்த 2 நாள்களுக்கு முன்பு, சுமாா் 3 ஆயிரம் கன அடி தண்ணீா் திறந்துவிடப்பட்டது. இளையான்குடி அருகே உள்ள பாா்த்திபனூா் மதகு அணையிலிருந்து இடது பிரதானக்கால்வாய் வழியாக திறந்துவிடப்படும் தண்ணீரால் பிராமணக்குறிச்சி கண்மாய் சுமாா் 3 மணி நேரத்தில் நிரம்பி வந்தது. ஆனால், தற்போது பிராமணக்குறிச்சி கண்மாய்க்கு பிரித்து விடப்படும் இடத்தில் ஏற்கெனவே மூன்றரை அடி அகலத்தில் இருந்த மதகை அகற்றிவிட்டு, புதிதாக ஒன்றரை அடியில் மதகு அமைக்கப்பட்டது. பொதுப்பணித் துறையின் தவறான கட்டுமானத்தால் 3 நாள்களை கடந்தும் இந்த கண்மாய் நிரம்பவில்லை என இந்தப் பகுதிவிவசாயிகள் குற்றம் சாட்டினா்