மானாமதுரையில் மது போதையில் இளைஞர்கள் ரகளை

சிவகங்கை மாவட்டத்தில் கடந்த சில நாட்களாக குற்ற சம்பவங்கள் மற்றும் திருட்டு சம்பவங்கள் அதிகரித்துக் கொண்டு வரும் நிலையில் அதனை கட்டுப்படுத்த முடியாமல் மாவட்ட காவல்துறையினர் திணறி வருகின்றனர்.‌ ஆங்காங்கே சட்டவிரோதமாக மது விற்பனையும் படு ஜோராக நடைபெற்று வருகிறது. மேலும் தனியார் மனமகிழ் மன்றங்களில் உறுப்பினர்களுக்கு மட்டும் மது வழங்குவதற்கு மாவட்ட நிர்வாகத்திடம் அனுமதி பெற்று விட்டு உறுப்பினர் அல்லாதவர்களுக்கும் மது வழங்குவதாக குற்றச்சாட்டும் எழுந்த வண்ணம் உள்ளது. இந்த குற்றச்சாட்டை மாவட்ட நிர்வாகமும் எந்த ஒரு பரிசீலணையும் செய்யவில்லை என கூறப்படும் நிலையில் இன்று மானாமதுரை பைபாஸ் சாலையின் அருகே உள்ள சர்வீஸ் ரோடு பகுதியில் இரண்டு இளைஞர்கள் போதையில் இடுப்பளவிற்கு லுங்கியை ஏற்றி கட்டியபடி சாலையில் சென்ற வாகனங்களின் நடுவே சென்று வாகனங்களை மறித்து ரகளை ஈடுபடும் வீடியோ காட்சிகள் தற்போது இணையத்தில் வைரலாகி பெரும் பரபரப்பையும் அச்சத்தையும் ஏற்படுத்தியுள்ளது