வள்ளலார் திடலில் தேர்தல் விழிப்புணர்வு கண்காட்சி திறப்பு

இந்திய பாராளுமன்ற பொதுத் தேர்தல்-2024ஐ முன்னிட்டு, தேர்தலில் 100 சதவீதம் வாக்களிப்பதன் அவசியம் குறித்து விழிப்புணர்வு ஏற்படுத்தும் வகையில் தருமபுரி நகராட்சி வள்ளலார் திடலில் தேர்தல் திருவிழா தேசத்தின் பெருவிழா என்ற 2 நாள் விழிப்புணர்வு கண்காட்சியை தேர்தல் பொது பார்வையாளர் அருணா ரஜோரியா, இ.ஆ.ப., நேற்று மாலை துவக்கி வைத்து பார்வையிட்டார்.

உடன் மாவட்ட வருவாய் அலுவலர் செ. பால்பிரின்ஸ்லி ராஜ்குமார், மாவட்ட கூடுதல் ஆட்சியர் (வளர்ச்சி) கௌரவ் குமார் இ.ஆ.ப., வருவாய் கோட்டாட்சியர் ஆர்.காயத்ரி, தன்னார்வலர்கள் பொதுமக்கள் என பலர் கலந்து கொண்டனர்.