இசக்கியம்மன் கோவில் கொடை விழா - திரளான பக்தர்கள் பங்கேற்பு
சாத்தான்குளம் ஸ்ரீ இசக்கியம்மன் கோவில் கொடை விழாவில் திரளான பக்தர்கள் கலந்து கொண்டு அம்மனை வழிபட்டனர்.
Update: 2024-02-11 02:52 GMT
இசக்கி அம்மன்
தூத்துக்குடி மாவட்டம், சாத்தான்குளம் ஸ்ரீ இசக்கியம்மன் கோவில் கொடை விழா நடைபெற்றது. விழாவை முன்னிட்டு திருச்செந்தூர் அருள்மிகு ஸ்ரீசுப்பிரமணிய சுவாமி கோவிலில் இருந்து தீர்த்தம் கொண்டுவரப்பட்டு சிறப்பு கும்பாபிஷேகம் நடைபெற்றது. அதனைத் தொடர்ந்து மதியக்கொடை. சிறப்பு பூஜை, அலங்கார தீபாராதனை நடைபெற்றது. மதியம் சிறப்பு அன்னதானம் நடைபெற்றது. இரவு 10 மணி அளவில் அலங்கார தீபாரானை, 12 மணியளவில் சாமக்கொடை நடைபெற்றது. இதில் திரளான பக்தர்கள் கலந்து கொண்டு அம்மனை வழிபட்டனர். விழாவுக்கான ஏற்பாடுகளை கோயில் நிர்வாகிகள் செய்திருந்தனர்.