போட்டோவுக்கு போஸ் கொடுத்தால் மட்டும் போதாது - அமைச்சர் மூர்த்தி

மதுரை திருப்பரங்குன்றத்தில் இன்று விருதுநகர் பாராளுமன்ற தொகுதி வேட்பாளர் மாணிக்கம்தாகூருக்கு ஆதரவாக தேர்தல் அலுவலகம் திறக்கப்பட்டது. மதுரை திருப்பரங்குன்றம் சரவணப்பொய்கை அருகே இன்று மாலை திமுக கூட்டணியின் காங்கிரஸ் வேட்பாளருக்கு தேர்தல் அலுவலகத்தை அமைச்சர் மூர்த்தி திறந்து வைத்தார்.

கூட்டத்தில் அமைச்சர் மூர்த்தி பேசும் போது தேர்தல் வேலைகளில் போட்டோவிற்கு போஸ் கொடுத்தோம் என்று இருக்காமல் மாமன்ற உறுப்பினர் மண்டல தலைவர் பதவிக்கு எவ்வாறு எந்த எதிர்ப்பையும் மீறி செயல்பட்டு வெற்றி பெற்றீர்களோ அதே மாதிரி பணி செய்ய வேண்டும் என்று கூறினார். இந்நிகழ்வில் மாவட்ட செயலாளர் மணிமாறன், திமுக கூட்டணி கட்சியை சேர்ந்த முக்கிய நிர்வாகிகள் மற்றும் தொண்டர்கள் ஏராளமானோர் கலந்து கொண்டனர்.