கருணாநிதி நூற்றாண்டு விழா கால்பந்து போட்டி

முன்னாள் முதல்வா் மு. கருணாநிநி பிறந்தநாள் நூற்றாண்டு நிறைவு விழாவையொட்டி, திருச்சி தெற்கு மாவட்டம் சாா்பில் கால்பந்து போட்டி ஞாயிற்றுக்கிழமை நடைபெற்றது. திருச்சி கோட்டை தேசியக் கல்லூரி பள்ளி மைதானத்தில் நடைபெற்ற போட்டியில் நிகழ்வில் சிறப்பு அழைப்பாளராக பங்கேற்று அமைச்சா் அன்பில் மகேஸ் பொய்யாமொழி பேசியது: முதலமைச்சா் மு.க.ஸ்டாலின் தலைமையில் மாநில உரிமைகளை மீட்டெடுப்பதற்கான போட்டியில் துரைவைகோ ஆகிய நீங்கள் நிச்சயம் வெற்றி பெறுவீா்கள். நாடாளுமன்றத்தில் உங்களுடைய குரல் திருச்சியின் குரலாக ஓங்கி ஒலிக்கும் என்பதில் ஐயமில்லை என்றாா்.

நிகழ்வில் ஆண்கள் கால்பந்து போட்டியை தொடங்கி வைத்து திருச்சி மக்களவை உறுப்பினா் துரைவைகோ பேசினாா். தொடா்ந்து பெண்கள் விளையாட்டுப் போட்டியை தொடங்கி வைத்து சென்னை மாநகராட்சி மேயா் பிரியா ராஜன் பேசினாா். இந்நிகழ்வில் திமுக மாநகர செயலாளா் மு.மதிவாணன், துணை மேயா் ஜி. திவ்யா, பொன்னம்பட்டி பேரூராட்சித் தலைவா் சரண்யா உள்ளிட்ட திமுகவினா் பலரும் பங்கேற்றனா்.