கத்தியை காட்டி கொலை மிரட்டல்: ரவுடி உட்பட 2 பேர் கைது!

தூத்துக்குடியில் மாவட்ட காவல் கண்காணிப்பாளர் எல். பாலாஜி சரவணன் உத்தரவின்படி நகர உட்கோட்ட காவல் உதவி கண்காணிப்பாளர் கேல்கர் சுப்ரமண்ய பால்சந்திரா மேற்பார்வையில் தென்பாகம் காவல் நிலைய ஆய்வாளர் ராஜாராம் தலைமையில் சார்பு ஆய்வாளர் முத்தமிழ் அரசன் மற்றும் போலீசார் நேற்று ரோந்து பணியில் ஈடுபட்டபோது, சிவந்தாகுளம் பகுதியில் உள்ள டாஸ்மாக் கடை அருகே சந்தேகத்திற்கிடமான முறையில் நின்று கொண்டிருந்தவர்களை பிடித்து விசாரணை செய்தனர். அதில், தூத்துக்குடி 3 சென்ட் அந்தோணியார்புரம் பகுதியில் சேர்ந்த செம்புலிங்கம் மகன் சீனிவாசன் (32) மற்றும் பிரையன்ட் நகரைச் நகரை சேர்ந்த சுடலை மகன் முருகன் (20) ஆகிய 2பேரும் அப்பகுதியில் வந்து கொண்டிருந்த ஒருவரை வழிமறித்து அவரிடம் பணம் கேட்டு தகராறு செய்து கத்தியை காட்டி கொலை மிரட்டல் விடுத்ததும் தெரியவந்தது. உடனே போலீசார் இருவரையும் கைது செய்தனர். இதுகுறித்து தென்பாகம் போலீசார் விசாரணை மேற்கொண்டு வருகின்றனர்.