மின்சார வாகனத்திற்கு மாறுவோம் விழிப்புணர்வு பிரச்சாரம்

பொதுமக்களுக்கு மின்சார வாகனம் பேட்டரியை ரீசார்ஜ் செய்வதற்காக கட்டமைப்பு மற்றும் மின்சார வாகனம் பயன்பாடுகள் குறித்து விழிப்புணர்வை ஏற்படுத்த "மின்சார வாகனத்திற்கு மாறுவோம் குறித்த விழிப்புணர்வு" பிரச்சாரத்தை மத்திய மின்துறை அமைச்சகம் நாடு முழுவதும் செய்து வருகிறது அதன்படி ஈரோடு , பெருந்துறை உள்ளிட்ட 4 பகுதிகளில் மின்சார வாகனத்திற்கு மாறுவோம் என்ற பிரச்சார வாகனத்தை அந்தந்த பகுதி மின்சார வாரிய செயற்பொறியாளர்கள் துவக்கி வைத்தனர். இந்த வாகனத்தில் மின்சார வாகனம் பயன்படுத்துவதன் மூலம் எரிபொருள் சேமிக்கவும் காற்று மாசுபடுவதை குறைத்திட முடியும் எனவும் , பொதுமக்களுக்கு மின்சாரத்திற்கு மாறுவோம் என்ற கையேட்டினை வழங்கினார். அதனைத் தொடர்ந்து நான்கு பிரச்சார வாகனங்களும் ஈரோடு மின் பகிர்மான வட்டத்திற்கு உட்பட்ட பல்வேறு பகுதிகளில் விழிப்புணர்வு ஏற்படுத்த அனுப்பப்பட்டது.