வெற்றி பெற வைப்போம்; ஆலோசனை கூட்டத்தில் எஸ்டிபிஐ நிர்வாகிகள் உறுதி

திருச்சி நாடாளுமன்ற தொகுதியில் அஇஅதிமுக சார்பில் போட்டியிடும் வெற்றி வேட்பாளர் ப.கருப்பையா, அதிமுக கூட்டணியில் அங்கம் வகிக்கும் திருச்சி மாவட்ட SDPI கட்சியின் நிர்வாகிகளை நேரில் சந்தித்து வாழ்த்து பெற்றார். உடன் முன்னாள் அமைச்சர் டாக்டர்.சி.விஜயபாஸ்கர், புறநகர் தெற்கு மாவட்ட செயலாளர் ப.குமார், மாநகர் மாவட்ட செயலாளர் J.சீனிவாசன்,கழக அமைப்பு செயலாளர்கள் T.ரத்தினவேல்,S.வளர்மதி, மனோகரன் ஆகியோர் கலந்து கொண்டனர். இந்த சந்திப்பில் அதிமுக சார்பில் திருச்சி நாடாளுமன்ற தொகுதியில் போட்டியிடும் கூட்டணி கட்சி வேட்பாளருக்கு முழு ஒத்துழைப்பு வழங்கி வேட்பாளரை வெற்றி பெறச் செய்ய வைப்போம் என்று உறுதி கூறினர்.