லயன்ஸ் சங்க நிறுவனர் பிறந்தநாளையொட்டி நலத்திட்ட உதவிகள் வழங்கும் விழா

நாமக்கல் மாவட்டம், குமாரபாளையத்தில் குமாரபாளையம் தளபதி லயன்ஸ் சங்கம் சார்பில் பட்டய தலைவர் ஜெகதீஷ் தலைமையில் கொண்டாடப்பட்டது. குமாரபாளையம் அன்னை ஆதரவற்றோர் மையத்தில் உள்ள முதியவர்களுக்கு வேட்டி, சர்ட், சேலைகள் தலா இரண்டு செட் வழங்கியதுடன் அன்னதானம் வழங்கப்பட்டது. சிறப்பு அழைப்பாளராக சமூக நல விரிவாக்க அலுவலர் ஜெயலலிதா பங்கேற்று முதியவர்களுக்கு வேட்டி, சர்ட், சேலைகள் வழங்கி அன்னதானம் வழங்கினார்.

நித்யபிரபா என்ற ஏழை மாணவிக்கு கல்வி உதவித்தொகையாக ஐந்தாயிரம் ரூபாய் வழங்கப்பட்டது. மாவட்ட பசிப்பிணி தலைவர் சண்முகசுந்தரம், சங்கத் தலைவர் மாதேஸ்வரன், சங்க செயலாளர் கதிர்வேல், பொருளாளர் செல்லவேல் முன்னாள் பொருளாளர் தர்மலிங்கம் உள்பட பலர் பங்கேற்றனர்.