சாராயம் பதுக்கியவர் கைது

பள்ளிப்பட்டு அடுத்த திருமல்ராஜபேட்டையில் சாராயம் விற்பனை செய்யப்படுவதாக, பள்ளிப்பட்டு போலீசாருக்கு நேற்று தகவல் கிடைத்தது. இதையடுத்து, சம்பவ இடத்திற்கு போலீசார் நேற்று ரகசியமாக ரோந்து மேற்கொண்டனர். அப்போது திருமல்ராஜபேட்டையை சேர்ந்த விநாயகம், 42, என்பவர், வீட்டில் மறைத்து வைத்து சாராயம் விற்பனை செய்து வருவது தெரியவந்தது.

போலீசார், விநாயகம் வீட்டில் நடத்திய சோதனையில், 10 லிட்டர் சாராயம் பதுக்கி வைத்திருந்தது கண்டறிந்தனர். சாராயத்தை பறிமுதல் செய்த போலீசார், விநாயகத்தை கைது செய்து விசாரித்து வருகின்றனர்.