கடையநல்லூரில் மதரஸா ஆண்டு விழா

தென்காசி மாவட்டம் கடையநல்லூர் தமிழ்நாடு தவ்ஹீத் ஜமா அத் மதினா நகர் கிளை சார்பில் மர்கஸ் முன்பு மக்தப் மதரஸா பள்ளி ஆண்டு விழா மற்றும் பரிசளிப்பு நிகழ்ச்சி கிளைத் தலைவர் பாதுஷா தலைமையில் நடைபெற்றது. இந்த ஆண்டு விழாவில் மதரஸா பள்ளி கிராத்தை தொடர்ந்து ஜோதி ஆலிமா கல்வியின் அவசியம் என்ற தலைப்பில் உரையாற்றினார். இதில் மக்ரிப் தொழுகைக்குப் பிறகு மாநில மேலாண்மை குழு உறுப்பினர் அப்துந் நாசிர் 'இஸ்லாம் குறித்து பேசினார். இந்த நிகழ்ச்சியில் ஏராளமான பள்ளி மாணவ மாணவிகளும் ஆசிரியர்களும் உள்ளிட்ட பொதுமக்களும் கலந்து கொண்டனர் என்பதும் குறிப்பிடத்தக்கது.