நாமக்கல்லில் ஈஷா யோகா மையம் சார்பில் மார்ச் 8ம் தேதி மகா சிவராத்திரி விழா!

நாமக்கல் நகரில் வருகிற 8ம் தேதி ஈஷா யோகா மையத்தின் சார்பில் மகா சிவராத்திரி விழா சிறப்பாக நடைபெற உள்ளது. நாமக்கல் ஈஷாயோகா மையத்தின் சார்பில், நாமக்கல் பகுதி மக்கள் அனைவரும் பயன்படும் வகையில் மகா சிவராத்திரி விழா வருகிற 8ம் தேதி வெள்ளிக்கிழமை நாமக்கல் கொங்கு திருமண மண்டபத்தில் நடைபெற உள்ளது. ஈசனுடன் ஓர் இரவு என்னும் தலைப்பில் 8ம் தேதி மாலை 6 மணி முதல் அடுத்த நாள் 9ம் தேதி காலை 6 மணி வரை கோவை வெள்ளியங்கிரி மலைச்சாரலில் அமைந்து உள்ள ஈஷா யோகா மையத்தில் நடைபெறும் அனைத்து நிகழ்வுகளும் நேரடி ஒளிரபரப்பு செய்யப்படும். சத்குரு வழிகாட்டுதலுடன். நள்ளிரவு தியானம், ஆதியோகி திவ்ய தரிசனம், தியானங்கள், அருளுரை, பிரசித்திபெற்ற கலைஞர்களின் இசை மற்றும் நடன நிகழ்ச்சிகள் உள்ளிட்ட அனைத்தும், நாமக்கல் கொங்கு திருமண மண்டபத்தில் நேரடியாக ஒளிரப்ப ஏற்பாடுகள் செய்யப்பட உள்ளது. சிவ ராத்திரி விழாவில் கலந்துகொள்ளும் அனைவருக்கும் அன்னதானம், இருக்கை, குடிநீர், வாகன நிறுத்தம் உள்ளிட்ட அனைத்து அடிப்படை வசதிகளும் செய்யப்பட்டுள்ளன. மேலும் விழாவில் கலந்துகொள்ளும் அனைவருக்கும் ஆதியோகியின் அருளாசியுடன் ருத்ராட்சம் பிரசாதமாக வழங்கப்படும். நிகழ்ச்சியில் அனைவரும் இலவசமாக கலந்துகொண்டு இறையருள் பெறுமாறு நாமக்கல் ஈஷா யோகா மையம் நிர்வாகிகள் கேட்டுக்கொண்டுள்ளனர்.