கொள்ளிடம் ஆற்றில் மணல் திருடிய நபர் டிராக்டர் உடன் கைது

மயிலாடுதுறை அருகே மணல்மேடு காவல் நிலைய உதவி ஆய்வாளர் விஜயகுமார் மற்றும் போலீசார் சம்பவத்தினத்தன்று  காலையில்  சித்தமல்லி கொள்ளிடக்கரை பகுதியில் ரோந்து பணியில் ஈடுபட்டனர். அப்பொழுது ஆற்றிலிருந்து கரை ஏறிக் கொண்டிருந்த டிராக்டரை நிறுத்தி  சோதனை செய்தனர்.   டிராக்டர் டிப்பரில் அரசு அனுமதி இல்லாத ஒரு யூனிட் ஆற்று மணல் இருந்தது தெரியவந்தது.  டிராக்டரை மணலுடன் பறிமுதல் செய்து மணல் மேடுநிலையம் கொண்டு சென்றனர். மணல் கடத்திய சித்தமல்லி, தோப்புத் தெருவை சேர்ந்த முருகன் மகன் சந்தோஷ் என்பவரை கைது செய்தனர். அவர் மீது மணல் திருடியது மற்றும் கனிமவள பாதுகாப்புச் சட்டத்தின் கீழ் வழக்கு பதிவு செய்து சிறையில் அடைத்தனர்