எடப்பாடியில் திமுக மத்திய,மாநில முன்னாள் அமைச்சர்கள் நினைவு தினம்

சேலம் மாவட்டம் எடப்பாடி பேருந்து நிலையத்தில் நகர திமுக சார்பில் சேலம் மேற்கு மாவட்ட திமுக செயலாளரும், முன்னாள் அமைச்சருமான டி.எம்.செல்வகணபதி தலைமையில் மறைந்த முன்னாள் மத்திய அமைச்சர் முரசொலிமாறன், மற்றும் வீரபாண்டி ஆறுமுகம் ஆகியோரின் நினைவு தினத்தை முன்னிட்டு அவர்களுடைய திருவுருவ படங்களுக்கு மாலை அணிவித்து மலர் தூவி மரியாதை செலுத்தப்பட்டது.அப்போது திமுக நிர்வாகிகள் ஏராளமானோர் திருவுருவப்படத்திற்கு மலர் தூவி மரியாதை செலுத்தினார். இதில் எடப்பாடி நகர திமுக செயலாளரும், நகர மன்ற தலைவருமான டி.எஸ்.எம். பாஷா, மாவட்டத் துணைச் செயலாளர் சம்பத்குமார், கொங்கணாபுரம் ஒன்றிய செயலாளர் பரமசிவம், எடப்பாடி ஒன்றிய செயலாளர் நல்லதம்பி, தலைமை செயற்குழு உறுப்பினர் முருகேசன், மற்றும் நகர, ஒன்றிய,பேரூர், திமுக நிர்வாகிகள் கலந்து கொண்டனர்.