மயிலாடுதுறை மாவட்டத்தில் மிதமான மழை

மயிலாடுதுறை மாவட்டத்தில், கடந்த இரண்டு தினங்களாக பலத்த மழை பெய்து வந்தது. இந்நிலையில் நேற்று காலை முதலே வானம் மேகமூட்டத்துடன் காணப்பட்டது. மாலையில்  லேசானது முதல் மிதமான மழை பெய்தது. மயிலாடுதுறை, மங்கைநல்லூர் , குத்தாலம் செம்பனார்கோவில்,தரங்கம்பாடி, மணல்மேடு, உள்ளிட்ட மாவட்டத்தில் பல்வேறு பகுதிகளில் மிதமான மழை பெய்தது. இதனால் சாலைகளில்  பள்ளமான பகுதிகளில்  தண்ணீர் தேங்கி நிற்கின்றது. இந்த திடீர் மழையால் பொதுமக்கள் மற்றும் வாகன ஓட்டிகள் சிரமத்திற்கு ஆளாகியுள்ளனர். பெரும்பாலான விவசாயிகள் மகிழ்ச்சி அடைந்தனர்.