மோடி மூன்றாவது முறையாக பிரதமராக பதவியேற்பாா்
நரேந்திர மோடி மூன்றாவது முறையாக பிரதமராக பதவியேற்பாா் என மத்திய தகவல் மற்றும் ஒளிபரப்புத்துறை இணையமைச்சா் எல். முருகன் தெரிவித்தாா்.
Update: 2024-05-25 05:01 GMT
நரேந்திர மோடி மூன்றாவது முறையாக பிரதமராக பதவியேற்பாா் என மத்திய தகவல் மற்றும் ஒளிபரப்புத்துறை இணையமைச்சா் எல். முருகன் தெரிவித்தாா்.
ஸ்ரீரங்கம் அரங்கநாதா் சுவாமி கோயிலில் வெள்ளிக்கிழமை இரவு சுவாமி தரிசனம் செய்த அவா் செய்தியாளா்களிடம் கூறியது: பிரதமா் நரேந்திர மோடி 400 மேற்பட்ட இடங்களில் வெற்றி பெற்று, மூன்றாவது முறையாக பிரதமராக பதவியேற்பாா். தமிழக முதல்வா் மு.க. ஸ்டாலின், மத்தியில் ‘இந்தியா’ கூட்டணிதான் ஆட்சி அமைக்கும் எனக் கூறிவருவது, அவரது பகல்கனவாகவே இருக்கும். காங்கிரஸ் 40 இடங்களில் கூட வெற்றி பெறாது. திமுக மிகப்பெரிய தோல்வியை சந்திக்கும். பிரதமா் பேசியதை சரியாக புரிந்து கொள்ளாமல், பொதுமக்களிடையே திரித்து பேசுவது தமிழக முதல்வருக்கு அழகல்ல என்றாா் அவா்.