பாறை குட்டையில் மூழ்கி தாய், மகள் உயிரிழப்பு

விருதுநகர் மாவட்டம் திருச்சுழி அருகே பாறை குளம் கிராமத்தைச் சேர்ந்த அழகு பாண்டி- சரஸ்வதி தம்பதியினருக்கு அழகுராஜா என்ற 13 வயது மகனும், பிரியா என்ற 12 வயது மகளும் உள்ளனர் குழந்தைகள் இருவரும் திருச்சுழி சேதுபதி பள்ளியில் எட்டு மற்றும் ஏழாம் வகுப்பு படித்து வருகின்றனர்.

இந்நிலையில் விடுமுறை தினமான நேற்று பாறைக்குளம் வெள்ளி அம்பலவாணர் சிவன் கோவில் பின்புறம் உள்ள கல் குவாரி குட்டைக்கு சரஸ்வதி மற்றும் மாணவி பிரியா இருவரும் குளிக்க சென்றதாகவும் அவர்களை அழகு ராஜா சைக்கிளில் அழைத்துச் சென்று குவாரிகுட்டையில் விட்டு வந்ததாகவும், அவரது தாய் மீண்டும் ஒரு மணி நேரம் சென்று வந்து அழைத்துச் செல்லுமாறு கூறியதால் அழகுராஜா வீட்டிற்கு வந்து விட்டதாகவும் இந்நிலையில் ஒரு மணி நேரம் கழித்து சென்று பார்த்த பொழுது அவர் தாய் மற்றும் சகோதரி இருவரையும் காணாது கோவிலில் இருந்த பூசாரி மற்றும் உறவினர்களின் உதவியுடன் தேடி பார்த்த பொழுது தாய் மகள் இருவரும் நீரில் மூழ்கியதை அறிந்து அவர்களின் உடல்களை மீட்டு திருச்சுழி அரசு மருத்துவமனைக்கு உடற்கூறு ஆய்விற்காக அனுப்பி வைத்துள்ளனர். இச்சம்பவம் அப்பகுதி மக்களிடையே பெரும் சோகத்தை ஏற்படுத்தியுள்ளது. மேலும் இப்பகுதியில் யாரும் குளிக்க செல்லக்கூடாது என எச்சரிக்கை பலகை வைக்குமாறு திருச்சுழி காவல்துறையினர் கிராமத்தினரை அறிவுறுத்தினர்.