நாமக்கல் சைல்டு பிளான் பள்ளி ஆண்டுவிழா

நாமக்கல் மாவட்டம், மின்னாம்பள்ளி தி சைல்டுபிளான் அகாடமியின் 11வது ஆண்டுவிழா பள்ளி வளாகத்தில் நடைபெற்றது. நிகழ்ச்சிக்கு பள்ளியின் தாளாளர் முனைவர் பிரிட்டோ செல்வராஜ் தலைமை தாங்கினார். பள்ளியின் முதுநிலை முதல்வர் அமலாராணி வரவேற்புரை நிகழ்த்தினார். பள்ளியின் முதல்வர் பொய்யாமொழி ஆண்டு அறிக்கை வாசித்தார். நிகழ்ச்சியில் சிறப்பு விருந்தினராக கலந்துகொண்ட தமிழ்நாடு வணிகர் சங்கங்களின் பேரமைப்பின் நாமக்கல் மாவட்ட தலைவர் ஜெயகுமார் வெள்ளையன் போட்டிகளில் வெற்றி பெற்ற பள்ளி குழந்தைகளுக்கு பரிசளித்து வாழ்த்துரை வழங்கினார். உடன் நாமக்கல் நகர கூட்டுறவு வங்கியின் துணை பொது மேலாளர் ராமலிங்கம், இந்தியன் வங்கி நிதி ஆலோசகர் ராஜாராம், மின்னாம்பள்ளி பஞ்சாயத்து தலைவர் ராஜேந்திரன் ஆகியோர் சிறப்பு விருந்தினர்களாக கலந்துகொண்டு வாழ்த்துரை வழங்கினர். தொடர்ந்து பள்ளி மாணவ மாணவியரின் கலை நிகழ்ச்சி மற்றும் அறிவியல் நிகழ்ச்சி நடைபெற்றது. நிகழ்ச்சியில் பேரமைப்பின் மாவட்ட ஒருங்கிணைப்பார் சேந்தை கோபாலகிருஷ்ணன், மாவட்ட இளைஞர் அணி செயலாளர் ராயல் பத்மநாபன், இணை அமைப்பாளர் எவரெஸ்ட் ராஜா ஆகியோர் சிறப்பு அழைப்பாளர்களாக கலந்துகொண்டனர். விழா நிறைவில் பள்ளியின் துணை முதல்வர் பிரியதர்சினி நன்றி கூறினார். விழா ஏற்பாடுகளை பள்ளியின் ஒருங்கிணைப்பாளர் அலெக்ஸ் மற்றும் நிர்வாகத்தினர் செய்திருந்தனர்.