தேசிய சாலை பாதுகாப்பு மாதவிழா பேரணி

அரியலூர் வட்டார போக்குவரத்து அலுவலகம் சார்பில் தேசிய சாலை பாதுகாப்பு மாத விழா விழிப்புணர்வு பேரணி அரியலூர் பேருந்து நிலையத்தில் நடைப்பெற்றது. இதில் மாவட்ட ஆட்சியர் ஆனிமேரி ஸ்வர்ணா கலந்து கொண்டு விழிப்புணர்வு பேரணியை கொடியசைத்து தொடங்கி வைத்தார். இதில் இருசக்கர வாகனங்களில் செல்லும்போது தலைகவசம் அணிய வேண்டும் எனவும், நான்கு சக்கர வாகனங்களில் செல்லும்போது சீட்பெல்ட் அணிய வேண்டும் என்பது உள்ளிட்ட பல்வேறு விழிப்புணர்வு வாசகங்கள் அடங்கிய பதாகைகளை கையில் ஏந்தியவாறு சென்று பள்ளி, கல்லூரி மாணவ, மாணவிகள் நகரின் முக்கிய வீதிகளில் விழிப்புணர்வு ஏற்படுத்தினர். மேலும் இதுகுறித்த விழிப்புணர்வு துண்டு பிரச்சுரங்களை மாவட்ட ஆட்சியர் ஆனிமேரி ஸ்வர்ணா, வாகன ஓட்டிகளுக்கு வழங்கினார். இதில் அரசுதுறை அதிகாரிகள், காவல்துறை அதிகாரிகள் கலந்து கொண்டனர்.