அரவக்குறிச்சி அருகே விபத்து - முதியவர் படுகாயம்

கரூர் மாவட்டம், அரவக்குறிச்சி, ஜீவா நகர் பகுதியைச் சேர்ந்தவர் ஷங்கர் வயது 60. இவர் ஜூன் 5ஆம் தேதி இரவு 9 மணி அளவில், அரவக்குறிச்சி- மூலனூர் சாலையில் உள்ள வீரமாத்தி அம்மன் கோவில் அருகே நடந்து சென்று கொண்டிருந்தார்.

அதே சாலையில் வேகமாக வந்த அடையாளம் தெரியாத வாகனம் ஒன்று, நடந்து சென்ற சங்கர் மீது மோதி விட்டு நிற்காமல் மின்னல் வேகத்தில் சென்று விட்டது. இந்த விபத்தில் நிலை தடுமாறி கீழே விழுந்த சங்கருக்கு பலத்த காயம் ஏற்பட்டது. உடனடியாக அவரை மீட்டு, தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர்.

இந்த சம்பவம் அறிந்த சங்கரின் மகள் கவிதா வயது 30 என்பவர், இதுகுறித்து காவல்துறையினருக்கு அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், சங்கர் மீது மோதிவிட்டு நிற்காமல் சென்ற வாகனம் எது? அதன் ஓட்டுனர் யார்? என்ற கோணத்தில் வழக்கு பதிவு செய்து விசாரணை கொண்டு வருகின்றனர் அரவக்குறிச்சி காவல்துறையினர்.