பள்ளி வாகனம் மோதி முதியவா் உயிரிழப்பு!

திருவெறும்பூா் மலைக்கோயில் மாதா கோவில் தெருவை சோ்ந்தவா் சுப்பிரமணி (75). கூலித் தொழிலாளியான அவா் புதன்கிழமை தனது சைக்கிளைத் தள்ளிக்கொண்டு, திருவெறும்பூா் கல்லணை சாலையில் சென்றபோது அவ்வழியாக வந்த வேங்கூரில் செயல்படும் தனியாா் பள்ளிப் பேருந்து மோதியது . இதில் பலத்த காயம் அடைந்த சுப்பிரமணி திருச்சி அரசு மருத்துவமனையில் சோ்க்கப்பட்டு சிகிச்சைப் பலனின்றி உயிரிழந்தாா். திருவெறும்பூா் போலீஸாா் வழக்குப் பதிந்து விசாரிக்கின்றனா்.