உறவினர்களுக்குள் தகராறில் ஒருவருக்கு கத்திகுத்து !

சேலம் அழகாபுரம் பகுதியை சேர்ந்தவர் குணசேகரன் (வயது 30), தொழிலாளி. சம்பவத்தன்று இவர் குடும்பத்தினர் மற்றும் உறவினர்களுடன் சேலத்தில் உள்ள ஒரு கோவிலில் சாமி கும்பிட்டார். அப்போது அவருக்கும், அவரது உறவினர்களுக்கும் வாக்குவாதம் ஏற்பட்டு உள்ளது. பின்னர் சமாதானம் அடைந்து அவரவர் வீட்டிற்கு சென்றனர். இந்த நிலையில் அவரது உறவினர்கள் ராமு (40), ரவிமாறன் உள்பட 6 பேர் குணசேகரனின் வீட்டுக்கு வந்து அங்கிருந்த அவரை கத்தியால் குத்தி உள்ளனர். இதில் காயம் அடைந்த குணசேகரன் சேலம் அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார். இந்த சம்பவம் குறித்த புகாரின் பேரில் அழகாபுரம் போலீசார் வழக்குப்பதிவு செய்து ராமு, ரவிமாறன் உள்பட 3 பேரை கைது செய்தனர்.