வருகிற 29 முதல் வேலைநிறுத்தம் செய்ய முடிவு

ஈரோடு மாநகராட்சி - அனைத்து தொழிற்சங்க நிர்வாகிகள் ஆலோசனைக் கூட்டம் ஈரோட்டில் ஏஐடியுசி மாவட்ட அலுவலகத்தில் நடைபெற்றது. ஈரோடு மாநகராட்சியில் தூய்மைப் பணியாளர்கள், ஓட்டுநர்கள் உள்ளிட்ட 1300-க்கும் மேற்பட்ட, நிரந்தரப்படுத்தப்படாத, தினக்கூலி பணியாளர்கள் பல ஆண்டுகளாக பணிபுரிந்து வருகின்றனர். இவர்களுக்கு மாநகராட்சி தினக்கூலி தூய்மை பணியாளர்களுக்கு நாள் ஒன்றுக்கு 725 ரூபாயும் , ஒட்டுநர்களுக்கு நாளொன்றுக்கு 763 ரூபாயும் ஊதியமாக வழங்கப்பட வேண்டும் , மாநகராட்சி தூய்மைப் பணிகளை தனியார் நிறுவனங்களிடம் ஒப்படைக்கும் முடிவைக் கைவிட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி அனைத்து தொழிற்சங்கங்கள் சார்பில் வரும் 29 முதல் காலவரையற்ற வேலைநிறுத்தம் செய்வது என முடிவு செய்தனர்