பாபநாசம் காளியம்மன் ஆலய 55 ம் ஆண்டு திருநடன திருவிழா

பாபநாசம் 108 சிவாலயம் ஶ்ரீ வீர மகா காளியம்மன் ஆலய 55 ம் ஆண்டு திருநடன திருவிழா நடந்தது. இதையொட்டி கடந்த 7 ந் தேதி குட முருட்டி ஆற்றின் கரையிலிருந்து ஏராளமான பக்தர்கள் பால் குடம், அலகு காவடி முக்கிய வீதிகள் வழியாக எடுத்து வந்து கோயிலை அடைந்து நேர்த்திக் கடன் செலுத்தினர். இதன் பின்னர் கஞ்சி வார்த்தல் நடந்தது. நேற்று அம்மன் படுகளம் பார்த்து வீதியுலா வந்தது. இதில் ஏராளமான பக்தர்கள் பங்கேற்றனர்.