குப்பையுடன் வரவேற்கும் பள்ளிக்குப்பம் சாலை

பூந்தமல்லி அடுத்த சென்னீர்குப்பத்தில், பள்ளிக்குப்பம் சாலை உள்ளது. சுற்றுவட்டார பகுதியைச் சேர்ந்த பொதுமக்கள், அங்குள்ள சாலையோரத்தில் வழிநெடுக குப்பையை கொட்டி வருகின்றனர். குறிப்பாக, இறைச்சிக் கழிவுகளை அங்கு கொட்டுவதால், சாலையைக் கடந்து செல்லும் பொதுமக்கள், வாகன ஓட்டிகள் மூக்கை பிடித்துக் கொண்டு செல்லும் அவல நிலை ஏற்பட்டுள்ளது. சென்னீர்குப்பம் ஊராட்சி நிர்வாகம் அதை கண்டுகொள்ளாத நிலையில், நாளுக்கு நாள் இங்கு குப்பை கொட்டுவது அதிகரித்து வருகிறது. எனவே, சம்பந்தப்பட்ட ஊராட்சி நிர்வாகம், இப்பகுதியில் குப்பை கொட்டுவதை தடுக்க நடவடிக்கை எடுக்க வேண்டும் என கோரிக்கை வலுத்து உள்ளது.