பட்டுக்கோட்டை ஆர்.பெரியசாமி படத்திறப்பு

தஞ்சாவூர் மாவட்டம், பட்டுக்கோட்டை கரிக்காட்டில், தியாகி வாட்டாகுடி இரணியன் சகோதரி மகனும், மார்க்சிஸ்ட் கம்யூனிஸ்ட் கட்சி தொண்டருமான மறைந்த ஆர்.பெரியசாமி படத்திறப்பு நிகழ்ச்சி நடைபெற்றது. பட்டுக்கோட்டை சிபிஎம் ஒன்றியச் செயலாளர் எஸ். கந்தசாமி நிகழ்ச்சிக்கு தலைமை வகித்தார்.  கந்தர்வகோட்டை சட்டமன்ற உறுப்பினரும், மாநிலக் குழு உறுப்பினருமான எம். சின்னதுரை படத்தை திறந்து வைத்து புகழஞ்சலி உரையாற்றினார். 

நிகழ்ச்சியில், மாவட்டக்குழு உறுப்பினர் ஆர்.சி.பழனிவேலு, மாவட்டச் செயலாளர் சின்னை.பாண்டியன்,  மாவட்டச் செயற்குழு உறுப்பினர்கள் கோ.நீலமேகம்,  ஆர்.கலைச்செல்வி, மதுக்கூர் ஒன்றிய செயலாளர் வை.சிதம்பரம், இந்தியக் கம்யூனிஸ்ட் கட்சி மாநிலக் குழு உறுப்பினர் சி.பக்கிரிசாமி, பொதுவுடமை இயக்கத்தின் பாரதிமோகன் மற்றும் ரெ.ஞானசூரியன் உள்ளிட்ட பட்டுக்கோட்டை ஒன்றிய குழு உறுப்பினர்கள்,  ஆர்.பெரியசாமி மனைவி பி.மலர்விழி, மகன் பி.சிவபாலன், மருமகள் எஸ். மகாலட்சுமி, மகள்  கே.சுபாஷினி, மருமகன் டி. கார்த்திகேயன் மற்றும் குடும்பத்தினர், உறவினர்கள், கட்சியினர் திரளாக கலந்து கொண்டனர்.