ரயிலில் அடிபட்ட பெண் மயில் பலி !!

கொடைரோடு அருகே திண்டுக்கல்லில் இருந்து மதுரை மார்க்கமாக செல்லும் தண்டவாளத்தில் நேற்று ஒன்றரை வயது மதிக்கத்தக்க பெண் மயில் ஒன்று ரயிலில் அடிபட்டு இறந்து கிடந்தது. தகவலறிந்ததும் கொடைரோடு இருப்பு பாதை இன்ஸ்பெக்டர் அருணோதயம், தனிப்பிரிவு காவலர் மணிவண்ணன் தலைமையிலான போலீசார் சம்பவ இடத்திற்கு வந்து மயிலின் உடலை கைப்பற்றினர். பின்னர் அதனை சிறுமலை வனக்காவலர் சங்கரிடம் ஒப்படைத்தனர். தொடர்ந்து சிறுமலை அடிவார பகுதியில் மயிலின் உடல் அடக்கம் செய்யப்பட்டது.