பேரணாம்பட்டு: டிராக்டர் மோதி தபால் ஊழியர் உயிரிழப்பு!.

திருப்பத்தூர் மாவட்டம் விண்ணமங்கலம் கிராமத்தை சேர்ந்தவர் சிலம்பரசன் (35). இவர் பேரணாம்பட்டு அருகே மேல்பட்டி கிராமத்தில் இயங்கி வரும் தபால் அலுவலகத்தில் போஸ்ட் மாஸ்டராக பணிபுரிந்து வந்தார். இவருக்கு ரோகிணி என்ற மனைவியும், 2 குழந்தைகளும் உள்ளனர். இந்த நிலையில் சிலம்பரசன் பணிக்கு வருவதற்காக மோட்டார் சைக்கிளில் புறப்பட்டு வந்தார்.

ரெட்டிமாங்குப்பம் கிராமத்தில் மேல்பட்டி சாலையில் வந்து கொண்டிருந்த போது பின்னால் வந்த டிராக்டர் மோதி படுகாயம் அடைந்தார். உடனடியாக அவரை அக்கம்பக்கத்தினர் மீட்டு ஆம்பூர் அரசு மருத்துவமனைக்கு கொண்டு செல்லும் வழியில் பரிதாபமாக இறந்தார். இதுகுறித்து மேல்பட்டி காவல் நிலைய போலீசார் வழக்குப்பதிவு செய்து, டிராக்டர் டிரைவர் ஜேம்ஸ் என்பவரை தேடி வருகின்றனர்.