வெளிநாட்டில் இறந்தவர்கள் உடலை கொண்டு வர மனு

வெளிநாட்டில் இறந்த கணவர் உடலை மீட்டு தரக்கோரி மனைவி, மனு அளித்துள்ளார். இதுகுறித்து மனைவி தங்கபொண்ணு, மகன் பவனேஷ்குமார் மற்றும் உறவினர்கள் கலெக்டர் அலுவலகத்தில் அளித்துள்ள மனு: கள்ளக்குறிச்சி அடுத்த வி.அலம்பளம் கிராமத்தைச் சேர்ந்தவர் எனது கணவர் குமார், 39; இவர் கடந்த 2 ஆண்டுகளுக்கு முன் சவுதி அரேபியா நாட்டில் தக்ரேன் என்ற பகுதியில் தனியார் ஆயில் நிறுவனத்திற்கு கூலி வேலைக்குச் சென்றார். நேற்று முன்தினம் எங்களுடன் போனில் தொடர்பு கொண்டு பேசினார்.

இந்நிலையில் நேற்று காலை 6:30 மணிக்கு, குமார் துாக்கு போட்டு தற்கொலை செய்து கொண்டதாக, அந்நிறுவன மேலாளர் போனில் தொடர்பு கொண்டு எங்களுக்கு தகவல் தெரிவித்தார். கணவர் இறப்பு தொடர்பாக உரிய விசாரணை செய்து, அவரது உடலை உடனடியாக மீட்டு தரும்படி கேட்டுக் கொள்கிறேன். இவ்வாறு மனுவில் கூறப்பட்டுள்ளது.