ஐகோர்ட் பத்ரகாளியம்மன் கோயிலில் பூக்குண்டம் இறங்கும் நிகழ்ச்சி

திண்டுக்கல் மாவட்டம் பழனியை அடுத்துள்ளது பெரியகலையமுத்தூர். இங்குள்ள அருள்மிகு ஐகோர்ட் பத்ரகாளியம்மன் கோவிலில் ஆண்டுதோறும் திருவிழா கோலாகலமாக கொண்டாடப்படுவது வழக்கம். இந்த ஆண்டு வைகாசி திருவிழா கடந்த சில நாட்களுக்கு முன்பு விமரிசையாக துவங்கியது. திருவிழாவின் முக்கிய நிகழ்வான தீ மிதித்திருவிழா இன்று காலை நடைபெற்றது.

பூக்குண்டம் இறங்கும் விழாவில் மூன்றாயிரத்திற்கும் மேற்பட்ட ஆண்களும், பெண்களும் பூக்குண்டம் இறங்கி நேர்த்திக்கடன் செலுத்தினர். இரண்டு கைகளிலும் தீச்சட்டி, குழந்தைகள், கரும்பு தொட்டிலில் குழந்தை என பல்வேறு வகையில் பக்தர்கள் பூக்குண்டம் இறங்கி வேண்டுதலை நிறைவேற்றினர். தொடர்ந்து கிடா வெட்டுதல், பொங்கல் வைத்தல் என விழா நடைபெற்றது.