நடிகர் விஜய்யை நேரில் பார்க்க வேண்டும் - மாற்று திறனாளி ரசிகரின் கோரிக்கை.

விஜய் நடிப்பில் லோகேஷ் கனகராஜ் இயக்கத்தில் லியோ திரைப்படம் ஐந்து மொழிகளில் இன்று வெளியாகி உள்ளது.தமிழகத்தில் காலை 9 மணி முதல் காட்சிகள் திரையிடப்பட்டது.கோவை ரயில் நிலையம் அருகில் உள்ள சாந்தி திரையரங்கில் படத்தை காண குவிந்த விஜய் ரசிகர்கள் லியோ லியோ என உற்சாக முழக்கங்களை எழுப்பினர். இந்நிலையில் லியோ படத்தை காண அம்மன்குளம் பகுதியை சேர்ந்த மருதாச்சலம் என்ற மாற்றுத்திறனாளி ரசிகர் மிகவும் உற்சாகத்துடன் திரையரங்கிற்கு மாற்றுத் திறனாளிகளுக்கான வாகனத்தில் வந்திருந்தார். அப்போது அவரும் அவருடன் வந்த நண்பரும் கூறுகையில் லியோ திரைப்படத்தின் முதல் அப்பேட் வந்ததிலிருந்து சுமார் ஒரு வருட காலமாகவே இப்படத்தை காண்பதற்கு மிகவும் ஆவலுடன் இருந்ததாக தெரிவித்தனர்.மேலும் மாற்றுத்திறனாளி என்பதால் தனக்கு டிக்கெட் இலவசமாகவே வழங்கப்பட்டதாக மருதாச்சலம் தெரிவித்தார். விஜயை நேரில் காண ஆசைப்படுவதாக கோரிக்கை விடுத்தவர் விஜயின் கவனத்திற்கு சென்றால் நிச்சயமாக அழைப்பார் என்ற நம்பிக்கை உள்ளதென தெரிவித்தார்.