தகராறில் முதியவரை தாக்கியவர் மீது வழக்கு !

கச்சிராயபாளையம் அடுத்த அம்மாபேட்டையைச் சேர்ந்தவர் மதியழகன், 64; அதே ஊரைச் சேர்ந்தவர் பாலமுருகன், 44; இருவருக்குமிடையே நிலம் தொடர்பாக தகராறு ஏற்பட்டு முன்விரோதம் உள்ளது. இந்நிலையில், நேற்று முன்தினம் காலை 8:00 மணியளவில் மீண்டும் இருவருக்குமிடையே தகராறு ஏற்பட்டது. இதில், ஆத்திரமடைந்த பாலமுருகன், மதியழகனை திட்டி, தாக்கி, கொலை மிரட்டல் விடுத்தார். இது குறித்த புகாரின் பேரில் கச்சிராயபாளையம் போலீசார் வழக்குப் பதிந்து விசாரித்து வருகின்றனர்.