கருங்கல் அருகே பெஸ்ட் சிபிஎஸ்இ பள்ளியில் பொங்கல் பண்டிகை கொண்டாட்டம்

குமரி மாவட்டம் கருங்கல் அருகே பாலூரில் பெஸ்ட் சிபிஎஸ்இ பள்ளி இயங்கி வருகிறது. இந்தப் பள்ளியில் பொங்கல் பண்டிகை விழா கொண்டாடப்பட்டது.      

நிகழ்ச்சிக்கு பள்ளி தலைவர் முனைவர்  தங்க சுவாமி தலைமை வகித்தார். முதுநிலை முதல்வர், கல்வி இயக்குனர், மற்றும் முதல்வர்கள் முன்னிலை வகித்தனர்.        

நிகழ்ச்சியில் குளச்சல் போலீஸ் சரக  ஏ எஸ் பி பிரவீன் கௌதம் சிறப்பு விருந்தினராக கொண்டு சிறப்புரையாற்றி விளையாட்டு போட்டிகளை தொடக்கி வைத்தார்.      

தொடர்ந்து  பொங்கலின் சிறப்பம்சங்களை வெளிப்படுத்தும் கவிதை, சிறப்புரை, குறு நாடகம், வாழ்த்துரை மற்றும் கும்மி, பறை, கரகம், கோலாட்டம் போன்ற கலை நிகழ்ச்சிகள் மாணவ மாணவிகளால் நடத்தப்பட்டது.        மேலும் பெற்றோர்களுக்கு பொங்கலிடும் போட்டி மற்றும் கிராமத்து விளையாட்டு போட்டிகள் நடத்தப்பட்டு பரிசுகள் வழங்கப்பட்டன.

ஆசிரியர்களும் மாணவர்களும் மூன்று குழுக்களாக இணைந்து பொங்கலிடும் போட்டி நடைபெற்றது. வெற்றி பெற்றவர்களுக்கு சிறப்பு விருந்தினர் ஏ எஸ் பி பிரவீன் கெளதம்  பரிசுகளும் பதக்கங்களும் வழங்கினார்.