விருதுநகர் சந்தையின் விலை நிலவரம்

விருதுநகர் சந்தை கடலை எண்ணெய், மல்லி, துவரம் பருப்பு, பாசி, தொலி உளுந்தம் பருப்பு விலை சற்று குறைவு : முண்டு வத்தல், பாமாயில் விலை உயர்வு விருதுநகர் சந்தையில் பாமாயில், முண்டு வத்தல் ஆகியவற்றின் விலை உயர்ந்து காணப்பட்டது. கடலை எண்ணெய், மல்லி, துவரை, பாசிப் பருப்பு, தொலி உளுந்தம் பருப்பு ஆகியவற்றின் விலையானது சற்று குறைந்துள்ளது. விருதுநகர் சந்தையில் வாரந்தோறும் அத்தியாவசிய உணவுப் பொருட்களின் விலைப் பட்டியல் வெளியிடப்பட்டு வருகிறது.

அதன் விபரம் வருமாறு : கடலை எண்ணெய் 15 கிலோ கடநத் வாரம் ரூ.2780க்கு விற்பனையானது. இந்நிலையில் டின் ஒன்றுக்கு ரூ.30 குறைக்கப்பட்டது. எனவே, ரூ2750க்கு விற்கப்படுகிறது. பாமாயில் விலையானது 15 கிலோ ரூ.1415க்கு விற்கப்பட்டது. இந்த வாரம் டின் ஒன்றுக்கு ரூ.10 வரை உயர்த்தப்பட்டுள்ளது. எனவே, ரூ.1425க்கு விற்பனை செய்யப்படுகிறது. முண்டு வத்தல் புதுசு வகை கடந்த வாரம் ரூ.17ஆயிரம் முதல் 18,500 வரை விற்பனை செய்யப்பட்டது. இந்த வாரம் குவிண்டால் ஒன்றுக்கு ரூ.1000 வரை திடீரென உயர்த்ப்பட்டுள்ளது. எனவே, ரூ.18 ஆயிரம் முதல் ரூ.20 ஆயிரம் வரை விற்பனையாகிறது.

மல்லி 40 கிலோ நாடு வகையானது ரூ.3800 முதல் ரூ.4100 வரை விற்கப்பட்டது. இந்த வாரம் ரூ.200 வரை குறைவு ஏற்பட்டுள்ளது. எனவே, மூட்டை ஒன்று ரூ.3600 முதல் ரூ.4ஆயிரம் வரை விற்கப்படுகிறது. துவரம் பருப்பு 100 கிலோ புதுசு லயன் வகையானது கடந்த வாரம் ரூ. 13600க்கு விற்கப்பட்டது. இந்த வாரம் ரூ.100 குறைந்துள்ளது. எனவே, ரூ.13500க்கு விற்பனை செய்யப்படுகிறது. தொலி உளுந்தம் பருப்பு 100 கிலோ நாடு வகை ரூ.10,400க்கு விற்கப்பட்டது.

இந்த வாரம் ரூ.200 வரை குறைந்துள்ளது. எனவே, ரூ.10,200க்கு விற்பனையாகிறது. பாசிப் பருப்பு 100 கிலோ கடந்த வாரம் ரூ.10,650 என விற்ற நிலையில், குவிண்டாலுக்கு ரூ.50 மட்டும் குறைந்துள்ளது. எனவே, மூட்டை ஒன்று ரூ.10,600க்கு விற்கப்படுகிறது. கடலை புண்ணாக்கு 100 கிலோ ரூ.5600க்கு விற்கப்பட்டது. இந்த வாரம் குவிண்டாலுக்கு ரூ.200 வரை குறைவு ஏற்பட்டுள்ளது. எனவே, ரூ.5400க்கு விற்பனை செய்யப்படுகிறது. பிற அத்தியாவசிய உணவுப் பொருட்களின் விலையில் எந்த விதமான மாற்றமும் ஏற்படவில்லை.